Psalms 100
Loxompixan Emi Asu
1Limixin at lavatbung menemen axap, minak pixan ti Leeme Silok! 2Mina lotu saparap Leeme Silok mi lososoro; minat pot parav i mi lempixan loklok momo!3La mina ven kibis i do Leeme Silok neni ne Moroa. Neni ga rudum dik, la nedik ateren akmokso; nedik limixin teren, nedik laxasipsip teren. 4Minak beles at langas povolo ukeneng at loogu laplavang mi leventamtaba ri tong avukat tin; minak beles eburu mi leemi asu rin uto xeneng at lenep tongtonga linga ren. Mina tong avukat tin la mina vemi asu min. 5Leeme Silok, neni i lox avukat; labalamu ren ik lok amisik la luruturun teren ti limixin naba nemen amisik la noxo xap.
Copyright information for
MMX